Mbreteria Shqiptare e fillimit te shekullit te njezete, qe eshte edhe fillimi dhe ekzistenca e Shqiperise si shtet i pavarur, duke qene ne nje nga periudhat me kritike te gjithe historise se vendit, eshte ne te njejten kohe edhe nje nga periudhat me pak te ndricuara dhe per me teper te keqinterpretuara ne menyre te vecante nga historiografia shqiptare. Duke lexuar "Shqiperia - gjashte muaj mbreteri," mund te lexohet natyra e marredhenieve nderkombetare ne nje periudhe kritike, mund te lexohen marredheniet midis Fuqive te Medha dhe perplasja e tyre ne Ballkan, si dhe politikat e shteteve ballkanike. Ne radhe te pare libri eshte nje kontribut i mire per te lexuar dhe interpretuar ditet e para te ekzistences se shtetit shqiptar, kontradiktat dhe perplasjen e Fuqive te Medha per Shqiperine, si dhe qendrimin e fuqive apo shteteve ballkanike. Autori ka arritur te vizatoje qarte zhvillimet brenda mbreterise, personazhet, eliten politike shqiptare, duke sjelle nje deshmi te gjalle te shoqerise shqiptare te asaj kohe. Ne perfundim te librit nuk eshte e veshtire t'u japesh pergjigje pyetjeve se si u ngrit, si funksionoi dhe perse ra Mbreteria e Pare e Shqiptareve. Libri i Armstrongut eshte nje kontribut i vyer per historianet dhe studiuesit e ceshtjeve shqiptare, por edhe atyre te marredhenieve nderkombetare. Kesisoj ai mund te sherbeje si nje deshmi e kohes per historianet, studiuesit, por edhe studentet e shkencave politike dhe te marredhenieve nderkombetare dhe padyshim per studentet e lexuesit e gjere. Pasi ke mbaruar se lexuar kete ditar te thjeshte kujtimesh rreth Mbreterise se Pare te Shqiperise moderne, ke nje shtyse te re per nevojen e rishikimit dhe riinterpretimit te historise jashte ideologjive, brenda kritereve shkencore. Fan Noli e ka sugjeruar kete, kur dhjetera vite me pare ka shkruar se "Princi William mund te kritikohet vetem pse nuk ishte ne gjendje te bente mrekulli.""