Non é preciso ter coñecementos previos de catalán, nin sequera cómpre saber que se trata dun texto en lingua catalá, para comprender en termos globais e xenéricos o sentido das palabras transcritas enriba.O método EuroCom demóstralle ao que aprende que grazas á súa lingua-nai pode facilmente entender textos noutras linguas da mesma familia lingüística, linguas que ata o momento lle resultaban descoñecidas.Na orixe do método EuroCom está unha reflexión profunda sobre a posibilidade de utilizar a riqueza dos lazos de parentesco entre as linguas dunha mesma familia para minimizar significativamente o esforzo da aprendizaxe.O obxectivo da estratexia EuroCom é o de promover o plurilingüismo en Europa, sobre todo a través do desenvolvemento de competencias receptivas (de lectura) en diversas linguas simultaneamente.EuroCom non abre as portas só a unha lingua estranxeira (como normalmente sucede no ensino tradicional), senón a todas as linguas dunha mesma familia lingüística (sexa a románica, a xermánica ou a eslava).O método EuroCom fai posible a realización dos obxectivos establecidos pola Comisión Europea relativos á aprendizaxe de linguas estranxeiras:. diversificación das linguas ensinadas . diversificación das competencias lingüísticas dos europeos, con especial desenvolvemento das súas competencias receptivas . asegurarlles unha presenza ás linguas pouco ensinadas ata agora e ás chamadas linguas minoritarias en todas as escolas europeasA presente versión galega de EuroCom diríxese a un público galego non especializado, e debe ser entendida como unha contribución para mellorar a intercomunicación - e comprensión mutua - entre os europeos, nomeadamente entre aqueles que falan as linguas románicas aquí tratadas.