နှစ်စဉ်ခရစ်စမတ်အချိန်ရောက်တိုင်း သင်ချစ်တဲ့သူတွေအတွက် အကောင်းဆုံးသောလက်ဆောင်များကို စီစဉ်ပြီး ရက်ရောစွာပေးကမ်းခြင်းအားဖြင့် သင်ဟာသူတို့ကိုချစ်ကြောင်း၊ အသိအမှတ်ပြုကြောင်း၊ ဂရုစိုက်ကြောင်းပြသလေ့ရှိသလို သင်ကိုယ်တိုင်လည်း အကောင်းဆုံးသောလက်ဆောင်ကိုရရှိဖို့ နှစ်တိုင်းမျှော်လင့်ကောင်းမျှော်လင့်နေမှာ ဖြစ်ပါတယ်။ ဒါပေမယ့် ကျွန်ုပ်တို့အတွက် အကောင်းဆုံးသောလက်ဆောင်ကိုပေးပြီးပြီဆိုရင်ကော။ ဒီလက်ဆောင်ပေးတဲ့သူက ကျွန်ုပ်တို့ကိုမြင်ပြီး၊ ဂရုစိုက်တယ်၊ သိပြီးချစ်တယ်ဆိုတာခံစားနိုင်တယ်ဆိုရင်ကော။ ငါချစ်သောညီအစ်ကိုတို့၊ အလွဲမယူကြနှင့်။ ကောင်းမြတ်စုံလင်သော ဆုကျေးဇူးရှိသမျှတို့သည် အလင်းတို့၏ အဘထံတော်က သက်ရောက်သည်ဖြစ်၍၊ အထက်အရပ်မှ လာကြ၏။ ထိုအဘသည် ရွေ့လျော့တိမ်းယိမ်းခြင်းမရှိ၊ ပြောင်းလဲခြင်းအရိပ်နှင့် ကင်းလွတ်တော်မူ၏။ (ရှင်ယာကုပ်ဩဝါဒစာ ၁ ၁၆ - ၁၇) သခင်ယေရှုခရစ်ဟာ အကောင်းဆုံးသောလက်ဆောင်ဖြစ်ပါသည်။ ဘုရားသခင်သည် အကောင်းဆုံးသောလက်ဆောင် (ဆုကျေးဇူး) ဖြစ်သည့်သခင်ယေရှုကို ကျွန်ုပ်တို့အား ပေးခဲ့ပြီး၊ နှစ်စဉ်ခရစ္စမတ်နေ့] ရောက်တိုင်း ကျွန်ုပ်တို့သည် သခင်]ယေရှု၏မွေးနေ့ပွဲကိုကျင်းပကြပါသည်။ သခင်] ယေရှုအားဖြင့် ကျွန်ုပ်တို့သည် အပြစ်နှင့်သေခြင်းမှ လွတ်မြောက်နိုင်သလို မျှော်လင့်ခြင်း၊ ယုံကြည်ခြင်း၊ ဝမ်းမြောက်ခြင်းနှင့်ငြိမ်သက်ခြင်းဆုကျေးဇူးများကိုလည်းရရှိနိုင်ပါသည်။ သခင်ယေရှုကြောင့် ကျွန်ုပ်တို့ ကောင်းကင်ဘုံရှင်အဘဘုရားသခင်ထံမှ မယုံနိုင်စရာလက်ဆောင်များကို လက်ခံရရှိရန် အခွင့်အရေးရှိပါသည်။ ဘုရားသခင်သည် သခင်ယေရှုတည်းဟူသော အကြီးမားဆုံးသောလက်ဆောင်ကို ကျွန်ုပ်တို့အားပေးခဲ့ရုံသာမက၊ သခင်ယေရှုနှင့်အတူ အခြားသောဆု